شكون الجن و شكون صحابو؟؟
شمكارا ولا اطفال بريئة ضاعوا في المغرب و ابوابو.
الجن و العسكري و كثير من صحابو
نشوفوهم كل نهار، كل واحد يلقاهم عند بابو
اللي يعطف عليهم و يحن و يفتح ليهم الأمل و أسبابو
و الي يشمئز منهم و يهرب ويخاف يشفروا ليه جيابو
يضربو هذا و يسبو هذا و يبكي على زهرو الي ما صابو
ولكن راهم ضحايا كلشي تخلا عليهم ما بقا لا اب و لا حبابو
شكون الجن و صحابو ؟؟
تخلات عليهم العائلة و عضهم المجتمع بنابو
نعسوا في الزناقي على الكرطون طابو ليه جنابو
يشفروا الفلوس و يباتو بالجوع باش يشريو الحشيش وشرابو
هاد البلاد فيها تماسيح و عفاريت و فيه الجن و صحابو
شي شبعان و شي بايت جيعان لصقو عليه جنابو
شي في المهراجانات وشي في البارات و شي حتى خبز ما صابو
نعسوا في الزناقي على الكرطون طابو ليه جنابو
يشفروا الفلوس و يباتو بالجوع باش يشريو الحشيش وشرابو
هاد البلاد فيها تماسيح و عفاريت و فيه الجن و صحابو
شي شبعان و شي بايت جيعان لصقو عليه جنابو
شي في المهراجانات وشي في البارات و شي حتى خبز ما صابو
شكون الجن و شكون صحابو؟؟
كلاو ليه العفاريت و التماسيح رزقو و رزق صحابو
امنيته جمعية تهتم بيه و تعالجو من الادمان و تقريه حروف كتابو
باغي يقرا ، باغي يخدم باغي يدير وليدات نهذي ابسط الاساسيات
شكون يهز المشعل بالمعقول و يدير الخير فهاد الفئات؟؟
شي يهضر شي يضحك شي يدعي، وشي يسول شكون الجن و شكون صحابو .
